دينا بطل تهاجم الإعلام المنحاز.. وتوضح ضوابط الإعلام المحايد

 

هاجمت الإعلامية دينا بطل كل ن الإعلامي أحمد شوبير، وخالد الغندور، مشيرة إلى أن عدم دراستهم للإعلام ربما يكون سبب في خلق حالة من الغليان بين جمهور الأندية المختلفة، مضيفة طارق يحيى أصلا يندرج إلى تلك القائمة التي تواجه أزمة في إجراء حوارات مع الضيوف، وكون الأسئلة تكون ضعيفة للغاية ولا ترتقى إلى كونهم إعلاميين يجروا حوارات مع ضيوف.

وتضيف دينا، "لما تحبوا تتفرجوا اختاروا ناس مهنيه على الاقل انت كمشجع و مشاهد تحترم عقلك و تعرف انت بتتفرج على مين، الاعلامي عمره ما كان بالردح ولا التعصب ولا مين ياخد بوينت على مين و مين قصف جبهه مين"، وتتابع: "إحنا اتبهدلنا 4 سنين فى إعلام و اشنغلنت فى الراديو و الصحافه محدش ظهر ليه مشكله واحده اصلنا دارسين، اتفرجوا على تحليل متعب و حازم امام بعد الماتشات و شوفوا الادب، اتفرجوا على هانى حتحوت و شوف طريقه كلامه و اتفرجوا على ابراهيم عبد الجواد، و فى مذيعين كتير محترمين"، موضحة أن "الجمهور بيحب اللى يتحمقله دايما ميكونش محايد علشان كده بتطلعوا ناس تتجرأ على رموز كبيره رياضيه و عدم احترام خبرتهم او حتى سنهم و الردح يشتغل .. انتوا اللى عملتوا كده".

وتتابع: "انتوا برضو نفس الناس اللى خلت واحد زى شيكا يتطاول على احمد مجاهد و انتوا اللى خليتوا الجمهور مشحون ضد الفرقتين و انتوا اللى خليتوا جمهور الاهلى يغلط فى عرض شيكا من فتره"، لافتة " لما بتتفرجوا على ناس غلط تشحنكم فى اطار إنها ماده اعلاميه و دول اعلاميين متعصبين، اساسا مفيش حاجه اسمها اعلامى متعصب طالما انت قصاد الكاميرا لازم تكون محايد و بره الكامير تتعصب اثناء تشجيعك".